Gömul blöð XIV

Description

Gömul blöð XIV. Tíu blöð frá ýmsum stöðum á landinu og frá ýmsum tímum.

Skuld er fyrsta prentaða blaðið sem var gefið út á Austurlandi. Það var prentað í Prentsmiðju Skuldar á Eskifirði og hér er boðið upp á blað frá 8. júní nr. 8 árið 1878.

Aldan. Sjómannablað. Reykjavík. I. árg 23. apríl 1926. Ritstjóri: Jónas Jónasson.-

Norðurland 1902. Það var gefið út á Akureyri og prentað í Prentsmiðju Norðurlands. Ritstjóri var Einar Hjörleifsson Kvaran. Það kom út 13, sept. 1902. I. ár – 51. blað.

Suðri. 1883 1. árg. 1.tbl. Blaðið var sunnlenskt og kom út í Reykjavík. Útgefendur: Einar Þórðarson prentari og Kr.Ó. Þorgrímsson bókbindari. Ritstjóri og ábm. Gestur Pálsson. Afgreiðsla Nr. 8 við Austurvöll. Prentað hjá Einari Þórðarsyni. Ódýrasta blað á Íslandi. Kostar aðeins 2 kr árg. Kom út hálfsmánaðarlega.

Gandreiðin, 4. febrúar, 1925 1. árg. 1. tbl. Gandreiðin er gamanblað með myndum er sagt í haus blaðsins á bls.2, en það fer nú lítið fyrir myndunum í þessu fyrsta blaði nema á forsíðu þar sem er teiknuð mynd í kring um nafn blaðsins. Afgreiðsla er á Laugavegi 67 á allra neðstu hæð. Blaðið kostar 15 aura eint. í lausasölu. Ábm. er Ágúst Jóhannesson. Prentað í Prentsm. Gutenberg.

Bjarki. 1896, 1. árg. 8. tbl. Bjarki var gefinn út á Seyðisfirði. Eigandi: Prentfjelag Austfirðinga. Ritstjóri og ábm.: Þorsteinn Erlingsson skáld, en Þorsteinn Gíslason tók við af honum þegar hinn tók við ritstjórn Arnfirðings á sunnanverðum Vestfjörðum.

Spanska flugan. 1920. Blaðið var lítið háðblað um sóttvarnir Íslendinga eftir að Spanska veikin hafði gengið hér á landi um nokkurn tíma. Ábyrgðarmaður var Þórður Jónsson, en það var prentað í Félagsprentsmiðjunni.

Heimilisblaðið. 1912. Það var prentað og gefið út á Eyrarbakka en útgefandi og ábm. var Jón Helgason prentari. Jón flutti til Eyrarbakka þegar Prentsmiðja Suðurlands var stofnuð þar sama ár til að gefa út blaðið Suðurland. Hann flutti síðan aftur til Reykjavíkur og hélt áfram prentsmiðjurekstri þar í mörg ár.

Reykvíkingur 1. árg. 4. tbl. 11.apríl 1952. Þetta blað kom aðeins út þetta eina ár, 1952. Ritstjóri var Gísli J. Ástþórsson, sem áður hafði getið sér gott orð sem myndasöguhöfundur, Siggu Viggu bækurnar og eins sem blaðamaður við Morgunblaðið.

Eystra-horn. Fréttablað á Suðausturhorninu. 1. tbl. 1. árg.1983. Ritstjóri: Halldór Tjörvi Einarsson. Blaðið er nú prentað skv. nýjustu tækni, en fréttablað á þessum slóðum var áður handskrifað og var þannig sent á milli bæja. Það er prentað í Prentsmiðju Hornafjarðar.