Description
Hveragerði – Búsetusaga. Þessa bók skrifuðu þau saman Þorsteinn Antonsson og Norma E. Samúelsdóttir, bæði skáld og búa bæði í Hveragerði. Í eftirmála á aftari kápu segir Þorsteinn að frásögnin taki aðallega til áranna 2000-2010. Hann leggi til form og efnisfrágang sögunnar en hughrif og jarðsamband sé komið frá Normu. Frásögnin kallast á við smáþorpið Hnífsdal á Vestfjörðum þaðan sem Norma er ættuð en svo segir líka frá mannlífi í Hveragerði þessi ár og fólki sem lifir þar haust og vetrartíð ævi sinnar vegna aldurs eða sjúkdóma. Bókin er límheft í kartonkápu með innslögum, en káputeikningu eftir Normu, hins vegar eru teikningar í bókinni af nokkrum sögupersónum eftir Braga Einarsson í Eden. Stærð: 19.4 X 13.1 cm og 172 bls.
Útgáfa og prentun:
Sagnasmiðjan, Hveragerði og Reykjavík. 2009. Prentun:Háskólaprent Reykjavík.
