Um verkið
Friheten. Ljóðabók eftir Nordahl Grieg á norsku, sem var gefin út hjá Ragnari í Smára um áramótin 1943-1944, en skáldið lést í flugárás á Berlín 2. desember 1943. Nordahl Grieg dvaldist nokkuð hér á landi á stríðsárunum með konu sinni leikkonunni Gerd Grieg og kynntist hann þá nokkrum íslenskum skáldum. Tómas Guðmundsson skáld ritar minningarorð um hann sem eru birt hér og fyrsta ljóð bókarinnar er ljóð Nordahls Griegs til Gerd konu sinnar. Bókin er bundin í gott handband, skinn á kjöl og horn með klæðningu í stíl, gyllt á kjöl. Stærð: 24.2 X 16 cm og 78 bls. Kápumynd er eftir Ásgrím Jónsson listmálara.
Útgáfa og prentun:
Helgafell. Reykjavík 1943. Víkingsprent. Bókin hefur samt varla komið út fyrr en í febrúar 1944 því formáli Aug. Esmarch er ekki undirritaður af honum fyrr en í febr. 1944.
