Um verkið
FRÓÐI var blað sem var gefið út á Akureyri fyrir aldamótin 1900 og er því með elstu blöðum sem komið hafa út á Íslandi. Fyrsta blaðið kom út 10. janúar 1880 og útgefandi var Björn Jónsson prentari, yngri. Hann hafði keypt Prentsmiðju Norður- og Austurumdæmisins, sem var stærsta prentsmiðjan á Norðurlandi og utan Reykjavíkur. Hann hóf fljótlega að gefa út blaðið Fróða og var prentsmiðjan þá oft kennd við blaðið og nefnd Fróðaprentsmiðjan og prentarinn Björn fróði. Fróði var ekki stórt blað á nútíma mælikvarða, aðeins 35.8 X 22.8 cm að stærð og ein opna eða 4 blaðsíður. Blaðið sem hér er til sölu er merkt 177. blað og kom út á Oddeyri, mánudaginn 25. Janúar 1886.
Útgáfa og prentun:
Útgefandi og prentari Björn Jónsson, Oddeyri 1886.
