Um verkið
Roðasteinninn og ritfrelsið. Bæklingur eftir Jóhannes úr Kötlum sem hann gaf út eftir að hann varð að hætta við þýðingu sína á Rauða rúbíninum eftir Agnar Mykle. Höfundurinn norski lenti í miklum réttarhöldum í sínu heimalandi, Noregi, þegar bók hans kom út og margir andans menn í Noregi urðu að koma fyrir réttinn til þess að láta álit sitt í ljós. Sagt er að þessi réttarhöld hafi verið þau mestu og frægustu sem farið hafi fram í Noregi nokkru sinni. Bæklingurinn er 18.7 X 12.5 cm og 98 bls að stærð. Saumheftur í kartonkápu með mynd af Agnar Mykle framan á.
Útgáfa:
Útgefinn af höfundi. 1958, sama ár og réttarhöldin fóru fram í Noregi, en í handritum Jóhannesar eru geymdar fjölda margar úrklippur úr norskum blöðum sem segja frá réttarhöldunum. Það er eftirtektarvert að það eru ekki til margar ljósmyndir frá réttarhöldunum, en mikið af teiknuðum mannamyndum af frægu fólki sem kallað var fyrir réttinn. Það hefur líklega verið bannað að taka ljósmyndir í Hæstarétti Noregs í þessu máli, en þar fóru þau fram.
