Description
Islandske Maaneds-Tidender. 1.-3. Aargang. October 1773 til October 1776. Islandske Maaneds-Tidender var fyrsta íslenska tímaritið sem kom út á Íslandi og var prentað í Hrappsey á Breiðafirði. Ólafur Ólafsson Olavius (1741-1788) fékk konungsleyfi 1773 til að stofna prentsmiðju í Skálholtsbiskupsdæmi með því skilyrði að þar yrðu ekki prentaðar guðsorða- eða skólabækur. Þar voru prentaðar alls um 80 bækur, aðallega rit veraldlegs efnis. Ritið kom út mánaðarlega , ein örk 16 bls. og þannig er það líka gert í ljósrituninni og síðan saumað og límt saman og sett í kartonkápu 3 árg. Stærð: 17.7 X 11 cm og 4 cm þykk.
Útgáfa og prentun:
Kiebenhavn og Hrappsey. Þessi útgáfa er gerð í 200 tölusettum eintökum í Lithoprenti í Reykjavík í desember 1952. Þetta eintak er ótölusett eintak eins og sést á forsíðu. Lithoprent er líklega útgefandinn því það er enginn annar gefinn upp sem slíkur. Þeir voru frumkvöðlar í því að nota hina nýju tækni, offsetprentunina til að endurprenta gamlar íslenskar bækur eins og Guðbrandsbiblíu sem dæmi.
